Ko Te Hau

Ko te hau
I te makariri o te ahiahi pō
I te tōrengi o te rā
Ko te hau ko te maumaharatanga
Kei korā koutou
Kei konei kē au

E karanga mai te matangi
Mai i tāwāhi
Mai i te kāinga
Ka rere mai ngā kupu
“Kāore koe e ngaro ana
Hoake ngātahi tāua”

Kāore au i te aha
Ka tū
Ka whā
Ka rere te hau i a au
Ā, ka tau

E ai ki te mano, ko te marama e tohu ana ki a tātou, ahakoa he wāhī kē, he iwi tahi tātou
He pono tērā, hāunga, kei korā te marama, he ao rerekē
E taea ana e te tangata te kite noa iho

Ki tōku whakaaro, ko te hau te tohu tūturu
Kei te ao nei, ā, me he wairua, ka rere i a tātou katoa
Ka rangona e au, ka maumahara
Nō hea au
Kei whea au
Me te mea nui
E ora ana au
Ka tono tōku aroha ki a Tāwhirimātea, ki a koutou anō